চাৰি ৰাজ্যৰ উপ নিৰ্বাচনৰ ফলাফল বিজেপিক বিধস্ত কৰি আগুৱালে আপ : আপে ২খন আসন, কংগ্ৰেছ, বিজেপি আৰু তৃণমূল কংগ্ৰেছে এখনকৈ আসন লাভ কৰিবলৈ সক্ষম হয়।

মঙলবাৰে দেশৰ চাৰি ৰাজ্যৰ ৫টা বিধানসভা সমষ্টিৰ উপ নিৰ্বাচনৰ ফলাফল ঘোষণা কৰা হয়। এই চাৰি ৰাজ্যৰ উপ নিৰ্বাচনৰ ফলাফলত বিজেপিক বিধস্ত কৰি আগুৱালে আপ : আপে ২ খন আসন, কংগ্ৰেছ, বিজেপি আৰু তৃণমূল কংগ্ৰেছে এখনকৈ আসন লাভ কৰিবলৈ সক্ষম হয়।

প্ৰগতিশীল বিহলী ডিজিটেল ডেস্ক : ১৯ জুনত অনুষ্ঠিত হোৱা গুজৰাটৰ দুখন বিধানসভা আসন, পঞ্জাৱৰ এখন, পশ্চিমবংগৰ এখন আৰু কেৰালাৰ এখনকৈ আসনৰ উপ-নিৰ্বাচনৰ ফলাফল যোৱা সোমবাৰে ঘোষণা কৰা হয় ৷ পুৱা ৮ বজাৰ পৰা আৰম্ভ হৈছিল উপ-নিৰ্বাচনৰ ভোটগণনা।

✅ পশ্চিমবংগ-

পশ্চিমবংগৰ কালিগঞ্জ বিধানসভা আসনৰ বাবে হোৱা উপ-নিৰ্বাচনত টি এম চি নেত্ৰী আলিফা আহমেদে জয়লাভ কৰে । তেওঁ বিজেপিৰ আশীষ ঘোষৰ বিপৰীতে ৪৯৯১৫টা ভোটৰ ব্যৱধানত জয়লাভ কৰে । ফেব্ৰুৱাৰী মাহত টি এম চিৰ বিধায়ক নাছিৰুদ্দিন আহমেদৰ মৃত্যুৰ পিছত কালিগঞ্জত উপ-নিৰ্বাচনৰ প্ৰয়োজনীয়তা আহি পৰিছিল। 

✅ পাঞ্জাৱ-

পাঞ্জাৱৰ লুধিয়ানা পশ্চিম সমষ্টিত আম আদমি পাৰ্টীৰ সঞ্জীৱ অৰোৰাই জয়লাভ কৰে । তেওঁ কংগ্ৰেছৰ ভাৰত ভূষণ আশুক ১০৬৩৭ টা ভোটত পৰাস্ত কৰে ।

✅ গুজৰাট-

শাসনাধিষ্ঠিত ভাৰতীয় জনতা পাৰ্টীয়ে গুজৰাটৰ কাদি বিধানসভা আসনখন পুনৰ নিজৰ দখলত ৰাখিবলৈ সক্ষম হৈছে ৷ সমষ্টিটোৰ পৰা বিজেপি প্ৰাৰ্থী ৰাজেন্দ্ৰ কুমাৰ চাৱদাই ৯,৪৫২টা ভোটৰ ব্যৱধানত জয়লাভ কৰিছে । বিজেপি বিধায়ক কৰ্চনভাই সোলাংকীৰ মৃত্যুৰ পিছত সমষ্টিটোত উপ-নিৰ্বাচনৰ প্ৰয়োজনীয় আহি পৰে । ৰাজেন্দ্ৰ চাৱদাই ৯৯,৭৪২টা ভোট লাভ কৰাৰ বিপৰীতে কংগ্ৰেছ প্ৰাৰ্থী ৰমেশ চাভদাই ৬০,২৯০টা ভোট লাভ কৰে। আনহাতে, আম আদমি পাৰ্টীৰ জগদীশ চাৱদাই মাত্ৰ ৩০৯০টা ভোট লাভ কৰিবলৈ সক্ষম হয়।

গুজৰাটৰ আন এটা সমষ্টি ভিছাৱদাৰ বিধানসভাৰ উপ-নিৰ্বাচনত বিজেপিৰ কিৰিট পেটেলক ১৭ হাজাৰৰো অধিক ভোটৰ ব্যৱধানত পৰাস্ত কৰি আম আদমি পাৰ্টীৰ নেতা গোপাল ইটালিয়াই জয়লাভ কৰে । পূৰ্বৰ বিধায়ক ভূপত ভয়নীৰ পদত্যাগৰ বাবে প্ৰয়োজনীয় হৈ পৰা উপ-নিৰ্বাচনত আপ, বিজেপি আৰু কংগ্ৰেছৰ মাজত ত্ৰিকোণীয় প্ৰতিদ্বন্দ্বিতা হৈছিল । বিজয়ী ইটালিয়া আছিল আপৰ গুজৰাটৰ প্ৰাক্তন ৰাজ্যিক সভাপতি ।

ভাৰতীয় নিৰ্বাচন আয়োগৰ তথ্য অনুসৰি ইটালিয়াই ৭৫,৯৪২টা ভোট লাভ কৰাৰ বিপৰীতে কিৰিট পেটেলে ৫৮,৩৮৮টা ভোট লাভ কৰে । গুজৰাটৰ পৰিৱৰ্তিত ৰাজনৈতিক পৰিৱেশত দলটোৰ অবিৰত সংগ্ৰামৰ প্ৰতিফলন ঘটাই বহু পিছ পৰি থকা কংগ্ৰেছ প্ৰাৰ্থী নীতিন ৰণপাৰিয়াই মাত্ৰ ৫,৫০১ টা ভোট লাভ কৰে ।

জয়ৰ পিছত ভাষণ দি ইটালিয়াই কয়, "এই জয় ভিছাৱদাৰৰ জনসাধাৰণৰ জয়। তেওঁলোকে স্বচ্ছ ৰাজনীতি, স্থানীয় উন্নয়ন আৰু শক্তিশালী বিকল্পৰ বাবে ভোট দিছে । এয়া মাত্ৰ আৰম্ভণিহে ।" পৰম্পৰাগতভাৱে বিজেপি আৰু কংগ্ৰেছৰ আধিপত্য থকা অঞ্চল সৌৰাষ্ট্ৰত আপৰ বাবে ইটালিয়াৰ এই জয়ে এক অগ্ৰগতি লাভ কৰিছে । ২০২৭ চনৰ গুজৰাট বিধানসভা নিৰ্বাচনৰ বাবে সাজু হোৱাৰ সময়তে এই ফলাফলে আপৰ মনোবল বৃদ্ধি কৰিছে ।

✅ কেৰালা-

কেৰালাৰ পিনাৰায়ী বিজয়ন নেতৃত্বাধীন এল ডি এফ চৰকাৰক ডাঙৰ আঘাত হানি সোমবাৰে নীলাম্বুৰ বিধানসভাৰ উপ-নিৰ্বাচনত বিৰোধী দল ইউ ডি এফে জয়লাভ কৰে ।

নিৰ্বাচন আয়োগৰ তথ্য অনুসৰি চূড়ান্ত ৰাউণ্ডৰ গণনাৰ শেষলৈকে কংগ্ৰেছ নেতৃত্বাধীন ইউ ডি এফৰ প্ৰাৰ্থী আৰ্যদন শৌকাথে শাসকীয় চি পি আই(এম)ৰ এম স্বৰাজতকৈ ১১,০৭৭টা ভোটৰ ব্যৱধানত অগ্ৰগতি লাভ কৰে । শৌকাথ কংগ্ৰেছৰ প্ৰাক্তন নেতা প্ৰয়াত আৰ্যদন মহম্মদৰ পুত্ৰ, স্বৰাজ চি পি আই (এম)ৰ ৰাজ্যিক সদস্য ।

শৌকাথে কয়' "ফলাফল আশা কৰা হৈছিল । এইটো কেৰালাৰ জনসাধাৰণে আশা কৰা জয় আছিল । এল ডি এফ চৰকাৰৰ বিৰুদ্ধে এয়া এক ডাঙৰ জয় ।" নিৰ্দলীয় প্ৰাৰ্থী তথা দুবাৰৰ বিধায়ক পি ভি আনোৱাৰে নীলাম্বুৰ উপ-নিৰ্বাচনত শক্তিশালী প্ৰদৰ্শন আগবঢ়াই ইউ ডি এফ আৰু এল ডি এফ দুয়োটাকে আচৰিত কৰি তোলে।

উল্লেখযোগ্য যে, গুজৰাট, পশ্চিমবংগ আৰু পঞ্জাৱৰ এখনকৈ আসনত বৰ্তমানৰ বিধায়কসকলৰ মৃত্যুৰ লগতে কেৰালা আৰু গুজৰাটৰ দুজন বিধায়কৰ পদত্যাগৰ পিছতেই এই উপ-নিৰ্বাচনৰ অনুষ্ঠিত হৈছিল।

✔ লগতে পঢ়ক :

✔ সৱধান যি টি কাম নকৰিব ; আমেৰিকাই ইৰাণক আক্ৰমণ কৰা পিছত ডনাল্ড ট্ৰাম্পক ৰাছিয়াই দিলে সকিয়নী।

✔ গৌৰৱ গগৈক কাষত পায় কোকৰাঝাৰ বাসী ৰাইজৰ মাজত ব্যাপক উৎসাহ।