ৰাজ্যত অব্যাহত থাকিব উচ্ছেদ অভিযান আৰু ক'ত ক'ত হ'ব উচ্ছেদ, কি ক'লে মুখ্যমন্ত্ৰী হিমন্ত বিশ্ব শৰ্মায়ে ? - ASSAM CM ON EVICTIONS

ৰাজ্যত অব্যাহত থাকিব উচ্ছেদ অভিযান আৰু ক'ত ক'ত হ'ব উচ্ছেদ, কি ক'লে মুখ্যমন্ত্ৰী হিমন্ত বিশ্ব শৰ্মায়ে ? - ASSAM CM ON EVICTIONS, উচ্ছেদ চলিবলগীয়া স্থানসমূহ শীঘ্ৰে খালী কৰাৰ আহ্বান । সাংবাদিকক পুনৰ কলে প্ৰতিবাদ হলেও উচ্ছেদ চলিয়ে থাকিব।

প্ৰগতিশীল বিহালী ডিজিটেল ডেস্ক : ৰাজ্যৰ বিভিন্ন প্ৰান্তত অব্যাহত আছে উচ্ছেদ অভিযান । এইবাৰ গোৱালপাৰাৰ পাইকান বনাঞ্চলতো চলিব উচ্ছেদ অভিযান। এই কথা প্সদৰি কৰিলে মুখ্যমন্ত্ৰী ড৹ হিমন্ত বিশ্ব শৰ্মাই।

দেওবাৰে গুৱাহাটীত সাংবাদিকৰ প্ৰশ্নৰ উত্তৰত মুখ্যমন্ত্ৰী গৰাকীয়ে কয়, "উচ্চ ন্যায়ালয়ৰ নিৰ্দেশমৰ্মে অহা ১০ জুলাইত পাইকান বনাঞ্চলত উচ্ছেদ অভিযান চলিব। আনহাতে পাৱাৰ প্লাণ্টৰ বাবে ৮ জুলাইৰ পৰা চাপৰত উচ্ছেদ অভিযানৰ কাম আৰম্ভ হ'ব। কিন্তু চাপৰত উচ্ছেদ কৰাৰ আগতেই ৰাইজ প্ৰায় ইতিমধ্যে আঁতৰি গৈছে। যিসকল লোকৰ ম্যাদী পট্টাৰ মাটি আছিল তথা চৰকাৰে আৱণ্টন দিছিল তেওঁলোকক চৰকাৰী আইন অনুসৰি ক্ষতিপূৰণ দিয়াৰ ব্যৱস্থা কৰা হৈছে। যিহেতু পাইকানখন বনাঞ্চল সেয়ে ১০ জুলাইত উচ্ছেদ অভিযান চলিব। তাত এতিয়ালৈকে বহুত মানুহ আঁতৰি যোৱা নাই। গতিকে ১০ জুলাইত উচ্ছেদ কৰিবলগীয়া হ'ব পাৰে। কিন্তু আমি বিচাৰো যে উচ্ছেদ কৰাৰ আগতে ৰাইজ যাতে নিজে নিজে আঁতৰি যায় তৰ কাৰনে আমি সকলোকে বিনম্ৰ অনোৰোধ কৰিছো।"

ইফালে গুৱাহাটীৰ মাছখোৱাত হোৱা নাগৰিক অভিৱৰ্তনত বিৰোধী সমবেত হোৱাৰ প্ৰসংগত মুখ্যমন্ত্ৰীয়ে ওলোটাই সাংবাদিকক লক্ষ্য কৰি কয়, "আপোনালোকৰ মানসিকতাটো এনেকুৱা যে সৰ্বানন্দ সোণোৱাল, হিমন্ত বিশ্ব শৰ্মা, প্ৰমোদ বড়ো, অতুল বৰা একত্ৰিত হ'লে তেতিয়া আপোনালোকে এই প্ৰশ্নটো নকৰে। গতিকে সাংবাদিক সকলে কেনেকুৱা প্ৰশ্ন কৰিলে নিৰপেক্ষ যেন অনুভৱ হয় তাৰ দায়িত্ব আপোনালোকে নিজে ল'ব লাগে। যিদিনাখন অতুল বৰা, কেশৱ মহন্ত, মই, সৰ্বানন্দ সোণোৱাল, প্ৰমোদ বড়ো, ইউ জি ব্ৰহ্ম একত্ৰিত হওঁ তেতিয়াতো আপোনালোকে এই প্ৰশ্নটো নকৰে। গতিকে আপোনালোকৰ পক্ষপাত দেখিলে আপোনালোকৰ প্ৰতি মাজে মাজে মোৰ পুতৌ ওপজে, অলপ অলপ খঙো উঠে, অলপ অলপ দুখো লাগে যে আপোনালোক কিয় ইমান পক্ষপাত লৈছে। এই যিকেইজন মানুহ লগ লাগিছে তেওঁলোক কিমানবাৰ হাৰিব লাগিব। মই বাৰে বাৰে দেখুৱাই দিলো যে এইবিলাক কোনো হিৰ' নহয় । প্ৰথমতে বিধানসভাত হৰুৱালো। তাৰ পিছত লোকসভা আৰু পঞ্চায়তত হৰুৱালো। এতিয়াও আপোনালোকৰ তেওলোকৰ প্ৰতি মায়া-মোহ শেষ হোৱায়ে নাই । গতিকে ২০২৬ত ভালদৰে হাৰিলে মই আশা কৰো যে আপোনালোকৰ মায়া-মোহ স্থায়ীভাৱে নোহোৱা হ'ব।"

মুখ্যমন্ত্ৰীয়ে লগতে কয়, "২০২১ ত হাগ্ৰামা মহিলাৰী, বদৰুদ্দিন আজমল, ৰিপুণ বৰা এই সকলোবোৰ একেলগ হোৱাৰ পাছত ও আপোনালোকে তাল-ফাল লগাইছিল। ২০২১ৰ আপোনালোকৰ নিউজবোৰ মাজে মাজে মই ইউটিউবত চাই থাকো নিউজবোৰ চাই চাই মোৰ হাহি উঠে। সেই সময়ত বিজেপিক আপোনালোকে নাইকীয়া কৰি দিছিল। ২০২১ৰ নিউজবোৰ আপোনালোকে অলপ চাব। মই ভাবো যে আপোনালোকে আশা কৰি থকাটো বাস্তৱ নহয়। বি টি চি নিৰ্বাচনতে তাৰ ফলাফল আপোনালোকে পাব।"

লগতে পঢ়ক -

✔  বিহালীৰ নাচবৰত শিক্ষয়িত্ৰী মায়া দেৱী উপাধ্যায়ৰ আত্মহনন।

✔ গো-মাংসৰ প্ৰভাৱ; ধুবুৰীত একেদিনাই চকী লৰিল প্ৰায় দুকুৰি আৰক্ষী বিষয়াৰ - POLICE RESHUFFLE IN DHUBRI

✔ বিজেপি বিধায়কে আগবঢ়োৱা কঠীয়া গ্ৰহণ নকৰিলে গুণগুণ চেতিয়াই, সপোনৰ কঠীয়া দৰা নষ্ট হোৱাৰ দুখত জৰ্জৰিত পৰিয়ালটোক সমবেদনা লাখ লাখ জনতাৰ। Gungun Chetia